1/22/08

जमाना आइटीको


मेरो याहुको इनबक्समा एउटा इमेल प्राप्त भयो । इमेल कम्प्युटरको विषय अर्थात् आइटीको विषयमा केन्द्रीत थियो । कम्प्युटरको प्रयोगअघि कम्प्युटरको शब्दावलीमा हाल व्यापक प्रयोग हुँदै आएका शब्दहरु के का लागि प्रयोग गरिन्थ्यो भन्ने विषय कुरा उल्लेख थियो । तपाइलाइ पनि रमाइलो अनि रोचक लागोस् भनेर सो इमेलमा प्राप्त एउटा सामग्री राखेको छु ।

1/11/08

निर्वाचन कार्यक्रम प्रकाशित

निर्वाचन आयोगले चैत २८ गते हुने संविधानसभा चुनावको कार्यक्रम प्रकाशित गरेको छ ।

चैत २८ गते हुने संविधानसभा चुनावका लागि निर्वाचन आयोगले कार्यक्रम प्रकाशित गरेको छ । पुष २९ गते प्रकाशित आयोगको कार्यक्रम अनुसार, पुष ३० गतेसम्म दल दर्ता गर्ने समय छ । फागुन दोश्रो सातादेखि मतदाता शिक्षा कार्यक्रम सुरु हुने, निर्वाचन अधिकृत नियुक्ति र खटनपटन माघ तेश्रो सातासम्म गरिने र निर्वाचन अधिकृतहरुलाई अनुशिक्षण कार्यक्रम फागुन ८ गतेसम्म गरिने आयोगको कार्यक्रम छ । यसैगरी, समानुपातिक प्रणालीका लागि माघ २८ गते थप कार्यक्रम प्रकाशित गरिने र दलहरुले समानुपातिक प्रणालीका लागि आयोगलाई फागुन ८ गते बन्द सूची बुझाउनुपर्ने आयोगको तोकेको छ । प्रत्यक्ष प्रणालीतर्फ फागुन १३ गते उमेद्वारी दर्ता गर्नुपर्ने र १९ गते उमेद्वारहरुलाई चिन्ह प्रदान गर्ने पनि आयोगले निश्चित गरेको छ ।

आयोगले प्रकाशित गरेको कार्यक्रम अनुसार, सरकारलाई निर्वाचन आचारसंहिता माघ २ गतेदेखि लाग्ने, दलहरुलाई फागुन १० गतेदेखि लाग्ने, उमेदवारहरुलाई फागुन १३ गतेदेखि लाग्ने र निजि संचार माध्यमहरुलाई फागुन १९ गतेदेखि लाग्नेछ । निर्वाचनमा खटिने स्वयंसेवक, कर्मचारी र आयोगका पदाधिकारीको १० लाख रुपैयाँ बिमा गरिने पनि आयोगले बताएको छ । आयोगले दिएको जानकारी अनुसार, माघको दोश्रो सातासम्ममा २ लाख ४० हजार जना स्वयंसेवक तथा कर्मचारीले निर्वाचन आयोगले दिने निर्वाचन सम्बन्धि प्रशिक्षण पाउनेछन् । चुनावको अनुगमन गर्न आवेदन दिएका राष्ट्रिय पर्येवेक्षक अनुवन्धित गरिसकेको आयोगले बताएको छ भने अन्तराष्ट्रिय पर्यवेक्षकलाई अनुगमनका लागि आउन आग्रह गरेको छ ।

चुनावका लागि तोकिएका बुथहरुमा ६० किसिमका चुनाव सम्बन्धि सामाग्री पुर्‍याउन थालिइसकेको पनि आयोगले जानकारी दिएको छ । यद्यपि, मौसमलगायत बिभिन्न कारणले मत पत्रलगायत सामाग्रीहरु समयमै बुथहरुमा पुर्‍याउनु चुनौतीपूर्ण रहेको आयोगको भनाइ छ । केही स्थानबाहेक मुलुकको सुरक्षास्थिति सुदृढ बनिसकेकाले चैत २८ गते चुनाव हुनेमा शंका नगर्न प्रमुख निर्वाचन आयुक्त भोजराज पोखरेलले कार्यक्रममा आग्रह गरे ।
हिमालखवरबाट साभार

1/10/08

लोडसेडिङ दिनको छ घण्टा

नेपाल विद्युत् प्राधिकरणले आज बिहीबारदेखि लागू हुने गरी लोडसेडिङको समयमा भारी वृद्धि गरी साताको ३६ घण्टा पुर्‍याएको छ। बुधबारसम्म प्राधिकरणले साताको १५ घण्टाका दरले विद्युत् कटौती गर्दै आएको थियो। चार दिनको अन्तरमा प्राधिकरणले विद्युत् कटौती दोब्बर बढाएको छ। प्राधिकरणले गएको आइतबारदेखि लोडसेडिङ बढाएको थियो।साताको छ दिन दिनको साढे २ घण्टाका दरले लोडसेडिङ हुँदै आएकोमा आजदेखि दिनको ६ घण्टाका दरले विद्युत् कटौती हुने भएको छ। यस्तै साताको एक दिन भने विद्युत् कटौती नहुने भएको छ।चिसो तथा सुक्खा मौसमका कारण नदीहरूमा जलस्तर दिनप्रतिदिन घट्दै गएकाले आयोजनाहरूबाट विद्युत् उत्पादनमा आधा कटौती भएपछि माग र आपूर्तिमा व्यापक असन्तुलन आउ“दा लोडसेडिङ बढेको प्राधिकरण भारप्रेषण विभागका प्रमुख शेरसिंह भाटले नेपाल समाचारपत्रलाई जानकारी दिनुभयो।चिसोका कारण बिजुलीको माग अत्यधिक बढ्न थालेको तथा उत्पादनमा भने व्यापक ह्रास आएकाले हाल दैनिक १० लाख युनिट बिजुली आपूर्ति कम भई यो अवस्था आएको भाटले बताउनुभयो।उहाँका अनुसार नेपालको सबैभन्दा ठूलो १ सय ४४ मेगावाटको कालीगण्डकी ए जलविद्युत् आयोजनाको उत्पादनमा आधा ह्रास आएर हाल ६६ मेगावाट मात्र बिजुली उत्पादन भइरहेको छ। यसअघि प्राधिकरणले पुस महिनासम्म विद्युत् आपूर्ति नघट्ने पूवानुमान गरेको भए पनि चार दिनमा लोडसेडिङको समय दोब्बर बढाएको छ।गएको भदौमा र्सार्वजनिक गरेको तथ्यांकमा यो वर्षो सुक्खायाममा विद्युत्को माग बढेर ७ सय १४ मेगावाट पुग्ने अनुमान गरेको थियो तर हाल बिजुलीको माग सोभन्दा बढ्दै गएको र उत्पादनमा भने गिरावट आएको छ।